Kæru Efnís meðlimir, BS nemar og aðrir.
Sjötta ráðstefna Efnís verður haldin laugardaginn 19. nóvember 2011 á Hótel Sögu. Dagskrá má finna á vef ráðstefnunnar http://oddurlab.raunvis.hi.is/efnis. Að ráðstefnunni lokinni verður sameiginlegur hátíðarkvöldverður á Hótel Sögu en þessi kvöldverður er einnig árshátíð Efnís 2011. Matseðillinn í ár er jólahlaðborð.
Hafir þú áhuga á því að sækja ráðstefnuna eða árshátíð Efnís, vinsamlegast skráðu þig á http://oddurlab.raunvis.hi.is/efnis og nýskrá þig.
Sniðmát fyrir ágrip er hægt að nálgast það á skráningarsíðunni.
English version
The sixth conference of the icelandic chemical society, Efnís, will be held at Hótel Saga on the 19th of november. The schedule is now available on the conference website http://oddurlab.raunvis.hi.is/efnis. As is customary in Efnís, the conference dinner is integrated into the biannual Efnís gala, held at Hótel Saga, the menu this year is a Christmas Buffet.
If you are interested in participating in the conference or the gala, please register at http://oddurlab.raunvis.hi.is/efnis. Templates can be found as an attachment but they can also be downloaded from the registration site.
F.h. Ráðstefnunefndar
Benedikt Ómarsson
Benedikt Ómarsson @ November 1, 2011
Íslensk stúlka, Ragnheiður Guðbrandsdóttir frá Menntaskólanum í Hamrahlíð, fékk bronsverðlaun á 43. Alþjóðlegu Ólympíuleikunum í efnafræði sem fóru fram dagana 9.-18. júlí síðastliðinn í Ankara í Tyrklandi. Aðrir nemendur í liði Íslands voru Anna Bergljót Gunnarsdóttir, Menntaskólanum við Hamrahlíð og Árni Björn Höskuldsson og Ríkey Eiríksdóttir, bæði frá Menntaskólanum í Reykjavík. Þjálfarar og farastjórar íslenska liðsins voru Már Björgvinsson on Brynjar Örn Ellertsson frá Efnafræðifélagi Íslands.
Íslenska Ólympíuliðið í Efnafræði ásamt þjálfurum.
Í febrúar síðastliðnum kepptu 115 nemendur frá 7 framhaldsskólum landsins í almennri landskeppni í efnafræði, en þetta var í 10. skiptið sem landskeppnin var haldin. Tólf nemendur mættu síðan til leiks í úrslitakeppnina sem fór fram í Háskóla Íslands í mars. Í úrslitakeppninni var keppt í verklegri og fræðilegri efnafræði. Sigurvegari 10. Landskeppninnar í efnafræði var Sigtryggur Hauksson (MH), í 2. sæti var Árni Björn Höskuldsson (MR), í 3. sæti var Konráð Þór Þorsteinsson (MR) og í 4. sæti var Magnús Pálsson (MH). Þær Ragnheiður, Anna Bergljót og Ríkey þáðu boð um að vera í Ólympíuliðinu í efnafræði eftir að þeir Sigtryggur, Kornráð Þór og Magnús ákváðu að vera í liðinu sem keppti á Ólympíuleikunum í eðlisfræði.
Seinni hluta júnímánaðar og í byrjun júlí var Ólympíuliðið í tveggja vikna þjálfun, eins og reglur alþjóðlegu leikanna leyfa. Í þjálfuninni var farið yfir flest þau atriði sem komu fram í undirbúningsdæmum frá tryknesku gestgjöfunum. Liðið hélt síðan til Tyrklands, en þar mættu 266 nemendur frá 70 löndum. Þegar keppnin hófs í Tyrklandi voru þjálfararnir aðskildir frá nemendum og rökræddu þeir fyrrnefndu síðan verkefnin frá gestgjöfunum og þýddu á tungumál nemenda sinna. Keppnin var í tveimur hlutum, verklegum hluta sem var 40 stig og fræðilegum hluta sem var 60 stig. Verklegi hlutinn gekk best hjá íslensku keppendunum en þær Ragnheiður og Anna Bergljót fengu um 85% af stigum þessa hluta.
Einkunnir nemenda voru nokkuð háar á Ólympíuleikunum í ár en sigurvegari var Gong Zongping frá Kína með 97 stig af 100 mögulegum. Í 2. sæti var rússnenskur keppandi og í 3. sæti var piltur frá Bretlandi. Á leikunum voru veitt 34 gullverðlaun, 62 silfur og 83 brons, auk þess sem veitt voru 10 heiðursviðurkenningar. Kínverjar voru ótvíræðir sigurvegara keppninnar með fjögur gullverðlaun og 94,5 stig að meðaltali, næst kom sveit S. Kóru með fjögur gull og í þriðja sæti var rússneska liðið með þrjú gull og eitt silfur. Eins og svo oft áður stóðu Finnar sig best norðurlandaþjóða með eitt silfur og þrjú brons, Svíar fengu eitt silfur og tvö brons en Norðmenn og Danir fengu, líkt og Íslendingar, eitt brons hvor þjóð.
Fjölmargir einstaklingar lögðu hönd á plóg við framkvæmd landskeppninnar og einnig við þjálfun og þátttökuna á Ólympíuleikunum. Menntamálaráðuneytið veitti styrk fyrir ferðinni til Tyrklands en skólar keppenda auk Tandurs hf og Málningar hf veittu einnig fjárstuðning til keppninnar.
Ragnheiður Guðbrandsdóttir, Bronsverðlaunahafi.
Már Björgvinsson
Efnafræðifélagi Íslands
Benedikt Ómarsson @ July 23, 2011
Fræðslukvöld á vegum Efnafræðifélags Íslands verður haldið á Thorvaldsen bar miðvikudaginn 18. maí. Skemmtunin hefst kl. 20:30 og við kvetjum alla félagsmenn til þess að mæta.
Ómar Gústafsson heldur stuttan fyrirlestur sem ber titilinn ,,Efnagreiningar með örtækni”.
Benedikt Ómarsson @ May 11, 2011