Fjallað var um ráðstefnuna á vefnum student.is.   Hér er tengill á fréttina.

Veitt voru verðlaun fyrir besta veggspjaldið og að féllu þau í skaut Manuelu Magnúsdóttur meistaranema í lífefnafræði við HÍ.

Um kvöldið var ýmislegt gert til skemmtunar.  Ingvar Árnason flutti skemmtilegt erindi og Sigurður Smárason sýndi efnafræðitöfrabrögð með sprengjugenginu sínu.

Ráðstefnunefndin og stjórn Efnís þakka þátttakendum kærlega fyrir einkar ánægjulegan dag!

Nördaskapurinn var toppaður þegar SPRENGJUGENGIÐ, Arnar og Henrik, sýndu gestum efnafræðitöfrabrögð.  Eldglæringar, litadýrð og ammoníaksfnykur féll í kramið hjá gestum!  Í lok síðasta atriðisins fór síðan eldvarnarkerfi Iðnó í gang og það vakti kátínu – í það minnsta hjá okkur!

Hér eru vídeó af efnafræðitrikkunum (afsakið léleg myndgæði):

Stjórnin þakkar árshátíðargestum frábæra skemmtun

Hér er heimasíða Komplex.

Boðið verður upp á heimsókn í Matís á undan árshátíðinni.  Matís varð til við sameiningu Rannsóknarstofnunar fiskiðnaðarins (Rf), Matvælarannsókna Keldnaholti og Rannsóknarstofu Umhverfisstofnunar. Að auki tilheyrir líftæknifyrirtækið Prokaria nú Matís.

Matís rekur meðal annars þrjár starfsstöðvar í Reykjavík og ætlum við að heimsækja Matís á Skúlagötu, áður Rf.  Matís skiptist í fjögur svið: Vinnslu og vöruþróun, líftækni og nýjar afurðir, matvælaöryggi og fjármál.

Stór hluti starfsemi Matís tengist efnafræði á einn eða annan hátt og ljóst er að spennandi heimsókn er í vændum!  Mæting er klukkan 18 í Matís á Skúlagötu 4.

Heimasíða Matís er hér.

Að heimsókninni lokinni röltir hópurinn yfir í Iðnó þar sem sjálf árshátíðin fer fram.  Gert er ráð fyrir að borðhald hefjist um kl. 20.

Sigurður V. Smárason, fráfarandi formaður Efnís, verður veislustjóri og Sigríður Jónsdóttir verður ræðumaður kvöldsins.  Að auki verður boðið upp á skemmtiatriði og fjöldasöng undir borðhaldi.  Að því loknu mun DJ Ragnar (þó ekki Ragnar Björnsson) þeyta skífum og halda uppi stuði fram á nótt!

Matseðillinn er glæsilegur að venju:

Sítrusleginn lax á bruskettu

Kryddlegið lambafille í fáfnisgrasi með sinnepssósu og ostakartöflum

Tiramisu að hætti hússins

Boðið er upp á grænmetisrétt fyrir þá sem það kjósa, vinsamlega getið þess þegar þátttaka er tilkynnt.

Verð: 4600 kr. fyrir félagsmenn Efnís og Komplex, 5600 kr. fyrir aðra.

Þátttöku skal tilkynna á netfangið efnis1(at)gmail.com í síðasta lagi 4. mars.

Það er von stjórnar að sem flestir sjái sér fært að mæta

verður haldin

7. mars í Iðnó

Nánar auglýst síðar

Hin sívinsæla árshátíð félagsins verður að þessu sinni föstudaginn 23. mars á Kornhlöðuloftinu.  Nánari upplýsingar þegar nær dregur. 

Takið daginn strax frá

Fyrsta árshátíð félagsins, sem haldin var í fyrra, heppnaðist framar vonum. Nú verður blásið til leiks á ný og er það von stjórnarinnar að enn fleiri láti sjá sig þetta árið.  Árshátíðin verður haldin í Akoges salnum, Sóltúni 3.  Eins og í fyrra verður boðið upp á skoðunarferð í fyrirtæki sem starfar á sviði efnafræði.